快打旋風悅目 雷霆膺「收視王」

《今日美國》則透露，查實雷霆多人撐除因為戰績理想外，以杜蘭特（Kevin Durant）及韋斯布克（Russell Westbrook）為核心的快打旋風極具觀賞價值及娛樂性，無疑較熱火更「易入屋」。

傳火箭拒入住鬧鬼酒店

這支西岸「一哥」明早主場恭候火箭，後者卻計劃首仗作客後，趁有3日休息時間飛回休斯敦訓練，到第二仗開波前才再前赴俄克拉荷馬比賽。火箭主帥麥希爾（Kevin Mchale）強調咁做係出於戰術考慮：「兩地距離咁短，返嚟只需40至50分鐘，我哋可以喺熟悉嘅環境進行訓練。」

不過，有傳火箭選擇飛回休斯敦，係因為不想入住當地一間盛傳鬧鬼嘅酒店，塞爾特人和公牛球員過去皆在此有奇怪經歷。面對重要的季後賽，相信火箭不想一眾球員因傳言分心而影響休息，寧願返回休斯敦備戰。不過，火箭主將林書豪（Jeremy Lin）及柏臣斯（Chandler Parsons）皆屬季後賽新丁，單靠倒戈的占士夏登（James Harden）相信獨力難支，雷霆就算讓到10.5分仍可秤先。

（周一早上9時30分開賽）