渡海濠情：與君閒聊微笑停不了

早輪馬交有個娛樂場搞咗個「微笑全為你」頒獎典禮，藉此表揚前線服務員工以客為尊及以微笑服務為本嘅傑出表現，獎品有百貨公司現金券及18K紀念獎章，都算唔話得囉！而帝濠桑拿有技師認為，夜場界亦應搞個類似獎項表揚「賣笑」技師提升質素，但亦有技師話笑騎騎好虛偽喎！

飄飄：作為服務性行業一員，我認為絕對有需要表揚一班前線員工，既可以提升士氣，亦可以令同行間自我檢討，做到獎罰分明，咁樣服務質素先會有所提升！

小雅：計我話呢啲獎都係多餘，有啲呃細路仔感覺，今時今日服務性行業，幾時都應該笑面迎人，若然笑容唔夠，足以證明公司培訓不足，又或係當事人唔適合做呢份工作！

飄飄：唔認同！即使公司冇培訓，但都唔代表員工可以按個人情緒對待人客，做得服務性行業，等同遇咗要以客為尊，依家多個獎項，只係一種表揚，象徵意義多過實際！

小雅：如果搞埋呢啲頒獎禮只為象徵意義，咁對員工有乜實則好處，唔通可以幫你升職加薪？計我話一係唔搞，一搞就要令員工覺得有着數先好搞，依家小恩小惠，冇着數之餘，反而仲分化咗員工嘅團結添！

飄飄：你實在太膚淺，性格太自我，任何事都功利行先，以為咁就唔會蝕底。其實對人客笑容滿面，人哋感到開心，就算今次唔搵你，下次都會記得你，笑容又唔使錢，點解要咁吝惜呢？

小雅：我唔會讚你大方喎，反而覺得你戇居至真，皆因係又笑唔係又笑，呢啲叫虛偽，舉例喺骨場遇到個老粗，唔通你又對住佢笑騎騎，若然對方因為你笑容好而入房爽，咁你話最終係好事定壞事呢？

飄飄：作個總結，性格決定命運，你鍾意用個人情緒待人處事我冇權干涉，但對於服務性行業，笑容係最基本禮儀，當人人都會笑面迎人時，你唔笑唔代表你好突出，反而會覺得好古怪，蝕底嘅始終係自己！

小雅：都係嗰句，你好我好，我唔介意笑，但雙方都應以禮相待，我唔笑唔代表我服務唔專業，再者搞得頒獎禮目的係表揚員工，而唔係得咗獎拎住啲獎品都唔識笑囉！

三圍：34-24-33

身高：5呎4吋

三圍：33-22-32

身高：5呎3吋

撰文：賢　

攝影：生

渡海濠情 ：與君閒聊微笑停不了