年薪僅次高比 史端唔識話自己！
【本報綜合報道】ＮＢＡ停擺足足超過一個月，昨日勞資雙方重新展開談判，不過在紐約會面3句鐘都冇進展，預計本月內會再有兩至三次會談。有美國傳媒爆料，原來ＮＢＡ總裁史端的年薪只係僅次於高比拜仁，竟達驚人的二千三百萬美元（約一點七九億港元），口口聲聲插班球星賺得多要逼人減薪，看來要減薪的應該是他！
占士畀小朋友善行整喊
另外，勒邦占士被視為「叛徒」兼犯眾憎，但一眾小朋友依然當佢係真正「大帝」！日前占士喺加州舉行夏日訓練營，一位小妹妹竟喺問答環節向佢求婚，令「大帝」非常尷尬！而前日有三位居住於康涅狄格州嘅小朋友，就將賣檸檬水所賺到嘅80多美元全數捐到勒邦基金會，感動到「大帝」眼濕濕。