環法單車賽下個月就舉行，而來自西班牙嘅干達杜自然為今屆奪標大熱門，呢位07、09及10年環法冠軍，今年喺環意及環加泰隆尼亞單車賽都交出理想成績，狀態及演出都令人滿意。加上有多次參加環法賽嘅經驗，成為1.67倍熱門好合理。而次熱門係盧森堡嘅舒力克，第三熱門係來自意大利嘅巴素。
基於近年環法單車賽經常傳出禁藥醜聞，冠軍級車手如干達杜及傳奇車手岩士唐都曾經涉及禁藥風波，情況比其他大型錦標嚴重得多。為迎合大眾需求，海外博彩公司威廉希爾就有關環法再爆出禁藥事件而開出盤口。其中今屆環法總冠軍喺48小時內被取消資格為7倍，而分站冠軍車手喺48小時內被取消資格為3倍。