陳嘉莉體驗腦袋空白感覺

唔怕周身瘀

問到有否觀賞ViuTV的節目《G-1格鬥會》？Kelly表示有捧場，但近排因忙於練習未有再追睇。對於參與的女星打得兇狠兼是非連連，她謂：「見到佢哋打得幾開心，咁先至好睇嘛！」眼見Kelly練到雙腳瘀傷，她表示僅是皮外傷，更指參賽主要想體驗上台後腦袋一片空白感覺。

談到她如此打得，有否擔心沒有異性敢埋身？Kelly撒嬌謂：「唔會，係愛我就愛我架啦！（有男仔追？）依家有了解中嘅對象，係圈外人。（識打拳？）唔係，其實我想對方成熟穩重，唔可以太o靚仔同要高過我。（同埋唔可以打人？）可以同我過招，真打就唔好喇！相信佢會畀我打多啲，練習吓都好嘅。」

處女拳賽飲恨

賽前滿有信心的她，經過三個回合後，最終也戰敗收場，但仍獲獎牌作鼓勵，事後她表示未為此失望，自言因早前病了兩星期，未有準備充足所致，再加上後勁不繼，但揚言會再接再厲，稍後還會繼續參加其他比賽。