當今網壇要爭「出位」，真係少啲功夫都唔得，一向以奇裝異服見稱的美國女將馬蒂克，自稱打扮靈感來自超級巨星Lady GaGa，剛在法網晉級的她，更揚言會以更「爆」造型迎接下一個大滿貫溫布頓，誓以前衞衝擊傳統！
過往着過性感黃金戰衣、牛仔勇士Look等參賽的馬蒂克，今屆法網以一副美式足球造型亮相，搶眼粉紅Tee加上及膝襪，並在雙眼下貼上美式足球員及棒球員極流行的黑色防曬貼，馬蒂克承認最近的打扮是從Lady GaGa取靈感，並自稱是網壇Lady GaGa：「我覺得佢好有個性，有好多瘋狂構想。我有諗過將舊煙肉擺上膊頭，但我唔知喺太陽底下可唔可行。」05年馬蒂克曾戴上牛仔帽出戰美網，最終被罰款。
剛於女單次圈以6比3、2比6、6比3淘汰同胞列卓高的馬蒂克，是自威廉絲姊妹於06年後，首位躋身法網32強的美國女將，更令她在新公布的世界排名上超越「大威」V威廉絲，成為「美國二姐」。雖然在法網最終可以走到幾遠，目前還是未知數，但馬蒂克已為下一個大滿貫的溫網作準備，為戰衣作構思：「我不斷為溫網新裝有新創作，我相信球迷懂得欣賞所有嘢。」馬蒂克下仗將面對塞爾維亞名將珍高域。至於中國金花鄭潔則以直落兩盤4比6、1比6不敵9號種子捷克的姬維杜娃。
男單次圈
(2)祖高域(塞爾維亞) 勝 漢恩斯古(羅馬尼亞) 對手退出
(4)梅萊(英國) 勝 波利尼(意大利) 3:0
(5)蘇達寧(瑞典) 勝 華姆斯(西班牙) 3:0
(20)邁耶(德國) 負 科拿(哥倫比亞) 1:3
(25)博迪奧(阿根廷) 勝 卡域(斯洛文尼亞) 3:0
女單次圈
(2)克莉絲塔絲(比利時) 負 萊絲(荷蘭) 1:2
(3)施禾娜莉娃(俄羅斯) 勝 列絲琪(德國) 2:1
(6)李娜(中國) 勝 艾恩奴莎(西班牙) 2:0
(9)姬維杜娃(捷克) 勝 鄭潔(中國) 2:0
(21)維姬美亞(比利時) 勝 森田步美(日本) 2:0
()內為種子排名
本報綜合報道