想撐「自己友」坐正
湖人官網透露，球會在未來幾日內就會與米克布朗完成簽約，薪酬為4年1825萬美元，但原來球員對今次決定大多不知情，當中包括高比拜仁。高比仔尋日受訪時表示，對湖人決定感到驚訝，但就唔肯為事件作出任何回應，至於米克布朗就話已經與高比仔通過SMS。
據悉高比仔一向都係「梳爾幫」，早前多番表態撐助教梳爾坐正，全因兩人曾經做過隊友，非常friend底，但如今湖人已揀了擅於防守戰術嘅米克布朗，高比仔自然唔滿意。事實上湖人早年曾聘用富於經驗嘅湯贊奴域接替「禪師」積遜，但一樣駕馭唔到高比拜仁，所以有指「戰神」會向湖人提出轉會要求，因為佢覺得米克布朗無法為佢爭取到第六枚冠軍指環。