「剁」咗佢至有運行
Game4已經因為浪射而成為輸波罪人嘅韋斯布克，今場繼續其「腦殘」行為，起手多達28次，足足係雷霆其餘4名正選起手次數嘅總和！韋斯布克已經用行動表態要做一哥，但正常人都知道雷霆王牌永遠都係杜蘭特，所以有不少球評家都撰文警告，雷霆今夏必須要放走呢粒「毒瘤」，避免佢攪亂檔。
事實上，雷霆現時情況就猶如九十年代嘅木狼，當年木狼得到兩位年輕球員加納特及馬貝利加盟後，成績穩步上揚。可惜馬貝利成名後要同KG爭做「大佬」，搞到家無寧日，木狼最終選擇了保KG而棄「毒瘤」，事實證明亦冇做錯，皆因馬貝利往後去到邊都神憎鬼厭，證明呢類「唯我獨尊」嘅球員，都係早放早着。
法比加輝