政情：娥頸橋戀後久未露面 陳玉娥現身天水圍

出席業主委員會支持參選人

話說嗰日娥姐戴咗眼鏡、身穿桃紅色上衣現身會場，即使戴上口罩都好易被認出。究竟點解佢今次會殺入天水圍呢？原來佢都係住喺天水圍，今次更係佢所住嘅屋苑舉行業主委員會改選。

講起娥姐應該冇人會陌生，佢之所以成為網絡紅人，全因喺2016年立法會選舉，佢同AY同為新界東地方選區嘅競爭對手，喺公布點票結果後兩人同台合照，引起全場哄動。隨後網上竟然流出一張兩人額頭互貼嘅親密合照，最後發現原來係有網民「改圖」，外界因而稱兩人關係為「娥頸橋之戀」。