政情：鄒幸彤還押「着熱褲」 飯來張口變懶人

呻專用棉褲似焗桑拿

鄒喺信中話現時喺大欖女懲教所隔離中，估計自己嘅級別唔夠，所以並唔係住單人倉，但囚友都對佢幾好，仲見到熟人添。不過佢話一日三餐飯來張口，又唔使洗衫，唯一要做嘅事就係洗地，擔心再咁樣落去會變懶人。

佢又指獄中固然有大大小小嘅問題，當中最大嘅問題就係熱喇！尤其着女犯專用棉褲，形容雙腳猶如焗桑拿，佢仲反問「究竟係邊鬼個設計條褲？點解就唔可以用番正常啲嘅材料呢？」不過依家先7月開始無幾耐，佢都話相信下月應該仲大鑊。