政情：區會議事檔案堆積如山 民政懶理

電子化無影 任文件繼續堆

咁多檔案，究竟當局現時如何處理，文件主要放置喺邊？民政回覆指，會根據政府檔案管理嘅行政指引，管理有關區議會嘅檔案。一般嚟講，檔案會存放喺各區民政事務處、民政事務總署或政府檔案處。

至於會否將有關檔案電子化，署方同樣回覆話會密切留意相關需求，並適時檢視檔案管理措施，例如檔案儲存方式、檔案存廢，以配合運作需要及市民查閱資料需求咁話。咁講法，即係無論堆積幾多層樓高，政府暫時都係懶得做，無諗住善用電子化啦。