政情：接掌政務司 李家超下周首見內會正副主席

馬逢國料溝通冇困難

副主席馬逢國回應查詢時就話，由於正副主席日前獲邀赴京，故本周未能同身處香港嘅李家超見面，而雙方將會喺下星期首次會面。

馬逢國話，其他議員暫時未有特別意見需透過正副主席向李家超提出，所以首次會面主要會睇番雙方之間嘅互動情況。馬逢國又提到自己同為保安事務委員會委員，過去曾與時任保安局局長嘅李家超接觸，形容同李喺好多事情上都有得傾，相信日後內會同李喺溝通上唔會遇到困難。

會議期間，主席就重提李家超喺上任當日致函，話會致力促進行政、立法關係，同立法會保持有效溝道同緊密聯繫，配合立法會履行監察特區政府嘅憲制責任。佢話早前覆函李家超，期望對方協調各政策局，喺法案同其他建議項目提交立法會前，做好溝通同解說工作，並聽取議員意見，以便利立法會有效進行審議工作。