政情：行管會換屆 全體委員擬延任

新一屆任期只有數月

立法會秘書處早前去信一眾議員，附上一份提名表格，選舉就會喺今個月11日進行。其中一名現任委員向本報透露，喺前日（2日）召開嘅建制派例行會議上，大家已有共識傾向全體延任。因為選出新一屆嘅委員任期同佢哋嘅議員任期一樣，只係得番幾個月，而且行管會主要都係負責管理立法會行政管理設施，如因應議會狀況而增購保險、增聘人手等，既然事件冇咩爭議，相信都唔需要特別協調新人選，所以決定齊齊再坐一會喇。

事實上，行管會成員包括立法會主席、內務委員會主席及副主席，同埋最多10名互選產生嘅議員。現屆委員包括梁君彥、李慧琼、馬逢國、石禮謙、黃定光、陳克勤、陳健波、葉劉淑儀、謝偉俊、易志明、麥美娟、鍾國斌同埋吳永嘉。