政情：游蕙禎料暑假前嫁得出

男友屬本土派活躍分子

一度被封為「傘兵女神」嘅游蕙禎，今日生日後就踏入30歲大關。儘管2018年林游二人嘅戀情被傳媒揭發下曝光，其實佢哋早喺2017年已經互生情愫。游蕙禎喺2016年11月宣誓風波期間，喺未經許可下硬闖立法會會議廳，2018年6月被裁定非法集結罪成，被判囚4星期。不過即使當時需要短暫分離，但二人仍然感情穩定。游舊年就曾經透露二人係一見鍾情，更形容林係佢嘅「靈魂伴侶」。

至於準新郎哥林肇彥，佢比游蕙禎細一歲，曾經就讀恒生管理學院嘅新聞及傳播系。林過往係本土派活躍分子，喺2016年曾經為梁天琦助選，曾經主持本土民主前線嘅網台，亦做過「星火同盟」嘅發言人。