政情：拒消費券加碼財庫局傾都費事

政府決定向合資格港人同新來港人士發放5,000港元電子消費券，希望可以喺疫情下振興經濟。雖然今次計劃，本港中小企業明顯得益，之但係批發及零售界議員邵家輝（Peter）似乎唔多滿意，仲以疫苗接種率未如理想為由，話政府應該加碼派多3,000元電子消費券畀打咗疫苗嘅市民！

Peter尋日喺立法會口頭質詢時間就話，依家香港疫苗接種率喺全世界包尾，建議要提供接種誘因的話，就應該要向已經接種疫苗嘅市民額外再派3,000元，畀佢哋消費喎！之不過，Peter以催谷疫苗接種率為名，諗方法再叫政府泵水畀商界，真係可行咩？

財經事務及庫務局局長許正宇回應時嘅態度都好明確，就係唔接受Peter嘅建議，話打針同金錢掛鈎係一個大題目，認為尋日嘅會議並非適宜討論嘅場合，直接終結話題呀！

政情：拒消費券加碼 財庫局傾都費事