中環出更：立會書面質詢減 建制勢淪橡皮圖章

立法會大會設有口頭及書面質詢環節，畀立法會議員就當下社會情況直接質詢相關嘅政策局詢。之不過，建制派議員似乎未有珍惜呢個監察政府工作嘅機會，喺今個月將來臨嘅13號及20號嘅立法會大會中，佢哋提出嘅書面質詢都遠少於質詢上限數目。唔通冇泛民議員喺立法會後，建制派就冇嘢問？抑或為咗加快會議進度就齊齊偷懶唔做嘢？根據立法會規定，每次大會所提出嘅質詢數目唔可以超過22項，如會議中唔會辯論不具立法效力議案，口頭質詢上限為10項；若要辯論有關議案，就最多只有6項口頭質詢。由於質詢數目有限，以往泛民主派議員仲喺立法會時，口頭及書面質詢嘅總數都超過20項。