內地即將全面停收本港嘅廢紙，之後每月4噸廢紙圍城都不特止，國際刑警同聯合國仲點名批評香港係廢品中轉站，真係衰到貼地，有環保團體更鬧爆環保署等部門把關不力。話時話，政府話要源頭減廢，但瓣瓣都衰，例如醞釀咗15年嘅垃圾徵費胎死腹中，環保園廚餘廠、廢紙廠同塑膠廠全部難產，就連膠袋收費都一敗塗地，而三色回收箱更被揭發，收集嘅廢品送晒去堆填區，唔怪得市民炮轟政府係廢嘅。咁黃錦星做咗咁多年環境局局長，做邊樣衰邊樣，究竟佢有冇自知之明呢？
