中環出更：斥區會「有少少失效」 徐英偉擬收緊權力

徐英偉接受傳媒專訪時指，過往政府下放權力予區議會，包括增加區議會撥款、批出地方予區議會管理等，目的係令區議會喺地區行政上有更多發揮空間。惟徐英偉指，從過去一年嘅撥款金額顯示，區議會「有少少失咗效」，未能發揮其功能，令佢感到十分痛心，亦需檢視日後下放幾多權力畀區議會，包括須審視是否需要減少區議會撥款。

料未必需要修改法例

徐英偉補充，過往一直係由政府向區議會下放權力，相信若果要收回權力，未必需要修改法例。此外，徐英偉亦讚揚唯一不被泛民主派主導嘅離島區議會「運作得幾好」。

卓妮