中環出更：疫情嚴峻立會研線上開會

對於Zoom嘅可行性，有議員質疑使用Zoom，議員嘅發言係咪受《特權法》保護？秘書處又應該如何點算同記錄投票結果？用Zoom開會通過嘅議案係咪有認受性？有見及此，有議員建議先喺無法定效力嘅非正式會議時試用；亦有人認為與其舉行非正式會議，就不如遲啲舉行正式會議仲好啦。

施政報告致謝議案再押後

秘書處就話會研究舉行視像會議嘅可行性，而依家就不時檢討綜合大樓嘅防疫措施，又喺部分會議室同主席台上嘅座位之間裝置防飛沫擋板，以減低病毒傳播嘅風險。

疫情唔單止影響開會，仲導致多個施政報告政策簡報會需要延期舉行，繼而影響致謝議案辯論。梁君彥尋日決定將1月6日嘅致謝議案辯論再度押後，改期至1月20日舉行。

其實政府喺10月宣布押後宣讀施政報告，梁已經將致謝議案辯論改期舉行，因此議案辯論已經係第二次改期。另外，立法會舊年因泛民拉布而一度未能選出內會主席，但致謝議案需由內會主席提出，所以致謝動議辯論都需要改期至完成內會選舉為止。

卓妮