林嘉緯走過迷惘踏浪再起步

「好似發咗場噩夢咁……」受疫情影響，上季港超在3月被迫暫停，在等待復賽期間，5月初「嘉緯」收到球隊富力R&F的通知，自己不獲續約，當刻除了驚訝，就是迷惘：「自己一路都以為會踢復賽，嗰下真係好迷惘，當時好多球會都埋晒班，轉會好困難，其實真係好徬徨。」除了球員路面臨危機，這半年他的家庭成員「蝦頭」健康亦出現問題，場內場外的壓力，令他一度墮入了人生低谷。

自言多年來球路平穩，面對這個關口，母會標準流浪在這時候伸出援手，向他派了一顆定心丸。「『賴Sir』（即標準流浪主帥賴嘉輝）喺消息出咗之後就打畀我，同我講流浪隨時歡迎我返去。當時雖然同幾間會傾緊，但我都算係一個老派嘅人，覺得自己由流浪出身，喺生涯黃昏再返去，都係一件美事。」最後選擇重返母會，心境頓時豁然開朗。

「對足球仲有熱情！」

人到了一定年紀，很多時都會為將來打算，與「嘉緯」同年代的球員，大概只剩盧均宜、梁振邦等等寥寥無幾，但他坦言，自己對足球仍有熱情和感覺。「雖然做過好多訪問，我都話返嚟係想分享經驗畀年輕球員，好老實，我內心其實係想證明自己，都好享受落場比賽嘅感覺。」

「嘉緯」、「Sa姐」、「芝治」和「蝦頭」，一家四口樂也融融。（受訪者提供）	全力以赴就是對昔日隊友的尊重。	儘管近一、兩年球員生涯不盡如意，但「嘉緯」仍然積極面對。

返母會標準流浪帶起小將

由效力傑志後期，到東方龍獅，再加盟富力R&F，近年這位中場大師，已經不是必然正選。回到流浪，他除了希望自己有表現，更渴望幫到球隊。「以前我係所有嘢都好客氣，唔止對自己朋友，對班後生都好客氣，甚至可以話係好恰。但今次返嚟流浪，慢慢變得嚴厲咗，年輕球員做錯我會出聲鬧，佢哋就係需要壓迫感。」戴上隊長臂章，就要負上帶領球隊的責任，調整年輕球員的心態，現為他的重要任務。

新季雖然由大會轉至細會，但林嘉緯的腳法依舊秀麗，仍然是不少球迷眼中的真正中場指揮官。翹首以待，他回歸流浪後可以繼續在綠茵場馳騁，為港超賽事帶來「致命直線」和「中距離妙射」。

圖/文：Iris