政情：公民講場：衞署居家「扮工」 老定市民抗疫疲於奔命

第4波新冠肺炎疫情殺到，將軍澳日出康城更爆發地盤群組，區內好多街坊都話唔夠檢測樽用，希望當局擴大派樽範圍，有當區嘅區議員狠批衞生署懶理居民訴求，指平時關於疫情嘅問題已經好難見到衞生署官員，依家疫情下公務員在家工作，就更加唔使旨意搵到人嘞。其實衞生署署長陳漢儀之前都畀人批評過抗疫期間神隱，真係辛苦市民忙於抗疫，而佢就努力「扮工」喇。