政情：鄺俊宇拍片 議政平台搬到網上

無咗議員一職，收入都隨即減少，鄺俊宇話自己供緊樓，而唔做議員，財政方面亦無面對困難，又指自己都算係一位暢銷書嘅作家，收入都仲算可觀，透露將出新書，仲係以科幻愛情做題材。

黨內換屆 胡志偉唔爭連任

身兼民主黨主席嘅胡志偉尋日同傳媒茶敍時，被問到會唔會移民，佢就話「Never say never（永不說不）」，但依家面對唔少問題，例如法律程序等，都要留喺香港處理，長遠會點就冇人知喇！

佢亦表明嚟緊黨內換屆選舉唔會爭取連任，但仍會參選中央委員會。佢話其實已經做咗兩屆主席，4年時間對黨嘅形態同改造覺得係差唔多，再做落去會令年輕人少咗空間發揮。