呢幾日確診個案不斷上升，估計疫情爆第4波。明明疫情稍為緩和，點解又變成疫爆？根本就係政府嘅錯，尤其係孭重飛嘅食物及衞生局局長陳肇始，唔單止一開始抗疫就慢幾十拍，被鬧爆之後以為醒啲，但應該繼續收緊防疫措施，佢偏偏放鬆，搞到市民染疫機會大增，又例如啲爆疫群組，幾個月前已發現酒店Staycation好大問題，依家先話諗住規限人數，仲係未實行，陳肇始步步都錯，擺明搵市民嘅健康較飛啫！
