兩司機爭路 落車「格鬥」

兩名司機在街頭打架，但其一副格鬥姿勢就惹起網民熱議。

現場大角咀荔枝角道，事發於前晚約八時，片段由路過的車Cam拍攝，並上載於Facebook群組「馬路的事討論區」。片段開始，兩架分別七人車及電單車前後停在路邊，相信是兩車司機的男子已落車，更擺出一副格鬥模樣，互相揮拳，期間清楚可見黑衣男紮馬揮出重拳，但就被灰衣男動作熟練地屈身閃過。由於拍攝車輛一直前行，未知最終二人是否能分勝負。

• 兩名司機在街頭打架，但其一副格鬥姿勢就惹起網民熱議。

網民怪拍攝者冇影「賽果」

不少網民都抱「食花生」心態觀戰，又評論二人身手。「食過夜粥喎」、「唔好同佢搏拳，試下入佢中路」，亦有人認為二人姿勢十足，卻非動真章，「只係有格冇鬥」，亦有人好奇最終誰勝誰負，質疑拍攝司機，「橫掂紅燈，打死火燈睇埋場拳賽先嘛」、「準備埋牙到戲肉，你走咁快做乜呢？」