當港人提防第四波疫情之際，尖東帝苑酒店連番爆出有員工染疫，衞生署除咗要求該酒店暫停營業，住客亦需立即撤離。呼吸系統專科醫生梁子超，就指人係病毒嘅載體，理想嘅做法應該要住客留喺房間內進行篩查，得到初步結果先至再進行下一步，將住客分流至隔離中心或另一酒店。依家急撤酒店嘅住客，等如放任有病毒潛伏風險嘅人擴大其流動範圍。若果今次衞生署嘅貿然決定，引致社區疫情大爆發，咁就麻煩大喇！
