政情：聶德權行大帽山 遭追問何時通關

今年七月初爆發第三波疫情前，政府曾預告「健康碼」已經準備就緒，好多市民都期待香港可以同澳門、內地恢復通關。之不過，本港爆發新一輪疫情後，唔少人嘅願望都落空，直至依家疫情再度緩和，促請政府盡快同兩地政府商討有關計劃嘅呼聲又起，但到依家為止都係只聞樓梯響。

與青年人談選舉車費問題

聶尋日清晨行大帽山期間，遇到一班已經退休嘅登山客，被追問幾時可以恢復同內地通關，使香港市民可以探望親人。佢下晝搭港鐵時，亦被青年人問到恢復開放落馬洲口岸，仲傾到立法會選舉同希望港鐵唔加車費等問題添！查實呢啲訴求都唔係第一日出現，相信聶局長自己都心裏有數。之不過，恢復通關呢個承諾幾時先兌現到？相信聶德權自己都未必答得到。