疫情趨緩，一度停業嘅機構都構思復業之後嘅經營策略。早前陷入財困嘅海洋公園，就宣布重開後會推出多項吸客新招，包括喺水族館做瑜伽、園內森林觀星同埋露營。不過旅遊界議員姚思榮就認為，呢類活動只係小修小補嘅做法，令人感覺唔到耳目一新嘅轉變，反而似係測試水溫，覺得海洋公園具有海岸同山景嘅資源可供利用，若果改革並非大刀闊斧，恐怕難以轉虧為盈。其實上次海洋公園要求撥款救亡都已經好大爭議，如果呢幾項吸客新招都失敗的話，再攤大手板問庫房攞錢就好難過骨喇！
