政情：港台節目立場偏頗 何君堯倡與新聞處合併

助整合對外渠道

提出建議嘅議員何君堯話，依家政府新聞處同埋香港電台係分屬唔同部門，認為政府冇整合好新聞資源同埋對外渠道，覺得有需要作出整合，所以建議合併。

對於選舉管理委員會未有接納建制派建議，為長者、孕婦同埋肢體傷殘人士設立優先投票嘅「關愛隊」，何君堯認為依家立法會延任一年，有時間進行改革，仲建議增設電子票。

另外新冠肺炎疫情令全港經濟受影響，何君堯建議，政府應容許市民提取部分強積金供款，以及活化現行制度，讓年輕人以強積金供款購買醫療保險；又建議有必要擴闊現有稅基，包括考慮重置遺產稅、設立資產增值稅同埋商品同服務稅。