政情：公民講場：貧富懸殊殺到網絡 學校求救教局袖手

香港貧富懸殊好嚴重，但勢估唔到要細分到「網絡貧富懸殊」，講緊嘅係有中學校長話唔少學生屋企無電腦、Wifi等設備，難以應付電子學習，促請教育局訂立恒常計劃，資助合資格學生購買流動電腦裝置，實踐電子學習。局長楊潤雄早前話學校有電腦可借畀學生用，又話關愛基金接受所有推行電子學習嘅公營中小學為學生申請購買，反映佢淨係將責任推畀學校同關愛基金，自己就翹埋對手唔做。