疫情肆虐至今都仲未得到解決，真係好需要救世主出現打救我哋，否則再咁落去經濟大受影響，好多普羅市民就會三餐不繼喇！然而，喺日本寫真界就出現咗一位救世主，佢就係篠崎心，絕對能夠拯救男士們嘅心靈！
近年日本寫真界出現咗好多扮嘢高手，佢哋原本都係活躍於Cosplay界，憑住索爆面孔以及火辣身材而吸引到大眾注意，當中包括桃月梨子、火將Rosiel等，至於今日同大家見面嘅篠崎心同樣係一位知名嘅Cosplayer。
今年27歲嘅篠崎心，身材纖瘦小巧，但瘦得嚟唔會太骨感，同時腰幼且上圍豐滿，最重要嘅係肌膚夠嫩白，所謂一白遮三醜，雪白嘅肌膚令胴體更加吸引。此外，一頭搶眼嘅金色短髮清爽又醒神，同樣吸引大家嘅眼球。而心妹本身係一位五官標致嘅美人兒，明亮眼眸更係電力十足，所以一班經常參與動漫展等活動，見識過唔少Cosplayer嘅朋友，都認為論美貌的話，篠崎心可以話係當中嘅第一美人。
2013年篠崎心加入偶像組合「Petipa-petit pas！」，唔單止又唱又跳，喺舞台之上發揮迷人魅力，仲負責埋填詞。之後，佢雖然離開咗團隊，仍繼續為組合填詞，更開始作曲兼做DJ，認真多才多藝！心妹喺演藝上亦獲得唔少獎項，2015年參加「Miss ID」奪得「ID小姐獎」及「牛島良獎」，2018年憑主演電影《Noise》，獲得湖畔電影節「最佳演員獎」，證明心妹做戲一樣咁掂！
最近心妹全力進軍寫真界，並以扮演漫畫作品《弩級戰隊HXEROS》中桃園百花嘅造型而備受注目，另外仲首次為《週刊YOUNG JUMP》拍攝水着寫真專輯，仲獲封為「金色短髮救世主」稱號添！
篠崎心經常都會扮演不同動漫角色拍攝寫真，當中好多都係性感演出，如果大家想欣賞一下，不妨去佢嘅社交網瀏覽一番，必定會大飽眼福！
網址：https://twitter.com/event_556
年齡：27歲
身高：4呎11吋
三圍：34C-23-33
撰文：賢