灣仔區議會於今年一月通過動議，要求中止興建被形容為「小白象工程」、涉款一億三千萬元嘅灣仔摩頓臺社區活動中心，但民政事務總署嘅官員就拒絕執行。
五名灣仔區議員隨後自行去信申訴專員公署，投訴民政署行政失當。至前日，灣仔區議會主席楊雪盈就喺Facebook表示，話已收到公署回覆，並正式立案調查。
五人喺今年六月廿九日，去信申訴專員公署，促請申訴專員跟進民政事務署行政失當，例如署方未有遵從區議會通過動議，暫停摩頓臺活動中心工程，以及未有合理理由下拒絕區議會索取資料等。據了解，佢哋喺上月廿一日收到公署回覆，內容大致指，已將區議員所述意見歸納為三項投訴，並就此立案。