政情：兩個月升兩級 陳南祿坐正馬會主席

利子厚任副主席

陳南祿係接任周永健年屆七十歲退休而騰出嘅主席空缺。其實，陳南祿喺八七年為馬會會員，○三年成為遴選會員，佢喺今年四月初獲選為馬會副主席，接替退休嘅郭志桁，事隔兩個多月就坐正做主席嘞！至於利子厚就喺八九年成為馬會會員，○一年成為遴選會員嘅。

對於接任新職，陳南祿話馬會各前主席、董事、遴選會員同管理層喺過往百年間，為馬會奠下堅實嘅基礎，以服務社會為己任。展望未來，佢話喺呢個充滿挑戰嘅時期，賽馬會必竭盡所能，秉承馬會嘅宗旨，致力建設更美好社會，造福人群。