宮本里緒 美尻女王水陸都掂

世界上有好多動物都係水陸雙棲,好處係適應力強、生活空間大好多,其實呢份入水能游、出水能跳嘅本錢,用喺發展事業方面真係好着數。就好似擁有極品美尻嘅女優宮本里緒,無論喺陸上活動,抑或喺水上活動,拍出嚟嘅寫真都咁掂,絕對紅得有道理!

笑容流露陽光氣息

日本寫真圈不斷有吸睛嘅新血加入,一部分嚟自藝能界團體,通常以青春可人為賣點,如果有埋好身材,紅得更快,另一部分則嚟自賽車界,我所指嘅,當然係衣着性感嘅賽車女郎啦!今日介紹嘅宮本里緒,就係車模出身,雖然只得21歲,但氣質上帶有姐系風韻,畀人一份親切而甜美嘅感覺,笑容仲好燦爛,散發出強烈嘅陽光氣息!里緒嘅身材亦予人一種熱辣辣嘅感覺,不但人夠高、腰夠幼,上圍對E奶亦睇頭十足,仲有個光滑結實嘅極品美尻,搶眼度拍得住同樣由車模轉型為寫真妹、兼且成功喺電視圈發圍嘅忍野沙羅。

換水着轉戰寫真界

其實里緒喺中學時期已經為雜誌《popteen》擔任模特兒,據阿妹憶述,當時雜誌社招募讀者提供相片,並以化妝禮品包作回報,為咗呢啲小便宜,佢就交咗自己張相過去,話咁快被雜誌社邀請做模特兒。高中畢業後,里緒正式投身賽車女郎行列,因形象健康、身材出眾,所以出道之後,人氣不斷上升,連續兩屆參加「日本賽車女王比賽」,仲獲得佳績,包括喺2018年攞咗新人部門特別獎,舊年亦獲得周刊Playboy獎。雖然里緒喺車模方面發展如意,但為咗開多條出路,決定投身寫真界影水着相,仲獲邀成為一個大型電器品牌嘅第九代Miss Marine,負責推廣「海物語」系列嘅彈珠機,未來仲會以呢個身份主持專屬電視節目添。

社交網站

近期殺入寫真界嘅宮本里緒,除咗會喺社交網絡上載性感照,仲會同大家分享扮靚心得,真係好識得自我宣傳,難怪咁受歡迎啦!

網址:https://twitter.com/rio_miyamoto

宮本里緒

年齡:21歲

身高:5呎4吋

三圍:34-23-35

撰文:賢