政情：公投失敗兼甩轆 直幡「學生」都串錯
有團體日前發起罷工、罷課公投，但公投未能通過人數門檻，最後以失敗告終。其中有份籌備罷課公投嘅「中學生行動籌備平台」嘅直幡，就被發現寫錯字喎。點解咁唔小心呢？
中間少咗個「u」
舉行公投嘅團體為咗加強宣傳，喺現場都擺放唔少橫額、直幡，但就被發現串錯字喇！其中一條直幡上「student（學生）」一字串錯咗，中間少咗個英文字母「u」。平台發言人、香港眾志副主席鄭家朗似乎掛住宣傳罷課，完全冇為意喎。
鄭家朗當日呼籲學生到票站投下實體票，話秋後算帳係不可避免，又反駁有聲音質疑有「黑手」進入校園，重申學生唔係扯線公仔，亦唔係被煽動出嚟。但無論點都好啦，最後罷課公投，由於實體票站未過五千票，佢當時就宣布唔會發動罷課喇！