政情：風暴逼近 天都唔幫 罷工罷課 公投要改期
天氣不似預期，除咗冇得飛之外，連公投都搞唔成要押後啊。話說早前有團體發起罷工罷課聯合公投，活動原定喺周日舉行，惟天文台預料當日有熱帶氣旋逼近並會有狂風暴雨，有見及此，該團體尋日就喺Facebook宣布，因天氣關係決定將公投延遲到下周六先再舉行，睇嚟連天公都唔多合作喎。
該團體指，政府同部分媒體近日一齊出聲批評罷工罷課公投，認為係更加證明當局對公投非常關注，佢哋一定要更多人參與，展現決心喎，又話唔會因為咁而退縮。之但係，依家未開始就不敵天氣而延期，好似有啲出師不利咁囉。
政府強烈譴責活動
翻查資料，該團體日前表明，如果公投有超過半數會員支持，將發起兩階段罷工。惟早前政府發稿強烈譴責有關公投，指任何威逼政府嘅行為都唔會得逞。照咁睇，會唔會變成「你有你講，我有我做」o架？