政情：公民講場：滅鼠不力 人頭落地 劉利群咪當耳邊風

儘管政府上年度花費巨額公帑滅鼠，但成效不彰。有議員指內地政府都對鼠患問題提高警覺，但港府仲未覺醒。政府喺各監測點放置鼠餌係密封包裝，根本冇辦法吸引老鼠，變相營造出鼠患唔活躍嘅情況，令鼠患指數長期以嚟被低估，簡直係自欺欺人，令市民長期飽受鼠患困擾。本來已經畀新冠肺炎搞到奄奄一息嘅香港恐怕無法再應對大型鼠疫，到時負責嘅高官要「人頭落地」向市民交代喇！咁嚴厲嘅警告，唔知食物環境衞生署署長劉利群會唔會當耳邊風呢？