政情：公民講場：劉明光奇怪準則 重開場地唔開更衣室

因禁聚令將有所放寬，而康文署由尋日起，重開部分戶外康樂及文化設施，如運動場跑道、戶外健身設施同網球場等，不過場地嘅更衣室及沖身設施，就唔會開放，理由係要減少病毒傳播嘅風險，然而目前正值初夏，天氣一日熱過一日，從事戶外運動好快就汗流浹背，關閉更衣室同沖身設施，對於場地使用者而言非常不便。開放些少但部分關閉嘅措施搞到唔湯唔水，康文署署長劉明光坐喺冷氣房裏面做決策，顯然唔明白巿民嘅需要。