政情：鄉議局派300萬抗疫金 支援鄉民

沙田西貢八鄉額外多十萬

Kenneth喺Facebook貼文指，經努力爭取，民政事務總署喺今年三月，已向每個鄉及每條村各派發一萬元抗疫津貼，以解燃眉之急。雖然現時疫情有緩和迹象，但預料各個鄉事委員會仍需資源面對疫情帶來的挑戰，所以新界鄉議局決定從儲備中撥出三百萬元，支援廿七個鄉事會，而每鄉獲派十萬元，至於沙田、西貢及八鄉就可以額外獲發多十萬元，希望可以解決因設置隔離中心所帶嚟嘅影響。

此外，Kenneth又話鄉議局與廿七鄉召開工作會議兼頒贈支票儀式，希望呢啲「及時雨」可幫助各鄉事會及鄉民，幫助佢哋解燃眉之急，佢又指，收到多封來自鄉事會嘅感謝信，感謝鄉議局在這艱難時期嘅援助同關懷。