政情：泛民多人被捕 乘機指指點點 肥彭又回魂 干預港事務
國務院港澳辦及中聯辦日前狠批主持立法會內務委員會主席選舉的公民黨法律界議員郭榮鏗及反對派議員「拉布」後，外國政客及傳媒急不及待評論說三道四。到今日香港警方大舉拘捕包括壹傳媒黎智英等民主派人士，指他們涉嫌組織及參與未經批准的集結及非法遊行，長期陰魂不散的末代港督彭定康（肥彭），又再指指點點、說三道四，話北京及港府埋葬一國兩制喎，真係噏得就噏！
過氣港督 癡人說夢
肥彭話，正當全球焦點集中在新冠肺炎疫情，北京及港府邁出咗另一步埋葬一國兩制，拘捕呢批爭取民主及法治嘅示威領袖，係史無前例地打擊香港價值喎，話北京決意要壓制香港。
對於近日中聯辦指港澳辦及中聯辦唔係一般意義上嘅「中央人民政府所屬各部門」，唔受《基本法》第廿二條所限，肥彭就反駁話中央決心放棄前朝政策，即使摧毀香港嘅生活方式都在所不惜，呼籲世界各地要否定中方嘅說法。其實肥彭只係一個「過氣港督」兼舊電池，無任何政治角色，點解仲要喺度干預香港事務，癡人說夢。