政情：連任警隊員佐級協會主席 林志偉：續打擊黑暴
本港過去十個月經歷反修例示威衝擊，警隊受到黑暴挑戰，經常為同袍發聲嘅警察隊員佐級協會主席林志偉昨日在換屆選舉中連任，佢話好高興得到同袍嘅肯定，又感激上屆執委嘅支持，否則捱唔到今日。佢話，過去近一年，警隊面對前所未有嘅挑戰，黑暴橫行，前線警員受到無理嘅挑釁，甚至惡意襲擊，家人也被起底，社會變得畸形，但警隊千錘百煉，一定會迎難以上。
唔會收回「蟑螂」論
林志偉亦預期本港未來兩年不會平靜，社會秩序一定會再次受到衝擊，但警隊一定會團結一致，排除萬難，繼續打擊黑暴，令香港回復成為世界最安全城市之一。對於反修例示威期間以「蟑螂」形容暴力示威者，並叫佢哋收手，林話絕對唔會收回呢番言論，因為呢班人嚴重破壞香港嘅秩序，就好似「蟑螂」咁，如果佢喺你屋企，你都會對付佢一樣。
林又話，對於被稱呼「林總統」同「散仔會主席」等，呢啲只識揶揄人、咁唔專業嘅稱謂，完全唔值得一提。佢重申，自己係基層警務人員，目前最重要嘅任務，就係止暴制亂。