中環出更：老友40年再聚 余鵬春笑容不變
有人話人愈大，朋友就愈少，好朋友更少。大家又點睇維持咗四十年嘅友情，簡直就係一世嘅朋友喇！講緊邊個？咪就係香港中華總商會常務會董余鵬春（PC）囉！
PC早前喺Facebook （Fb） 貼文兼上載咗兩張相，一張係舊照，另一張係新照，1979 Vs 2020，相差四十一年，當年嘅青葱歲月到依家變得成熟穩重，無論面貌同身形都有所改變，唯獨笑容不變，大家估吓邊個打邊個？
開估喇！中間嗰個就係PC。其實呢幅相係今年一月影嘅，地點係澳洲悉尼，難得老友重逢相聚，少不免會回憶美好嘅那些年，所以見到佢哋嘅笑容就知道有幾咁開心，難怪PC喺Fb貼文話「覺得好正」，而唔少網友都留言話呢段情誼好難得。
楊大偉貼相似孖寶兄弟
講到想當年，品牌發展局主席黃家和（Simon）都喺Fb上載咗張十一年前嘅舊相。Simon話當日同兒時嘅同學合照，地點喺上水慈康農圃，係當時香港最大嘅私人有機農場，佢喺九八年收購咗呢個農場，打算發展有機農業，可惜新界東北發展，農地四年前畀地主收番，直至依家仍然荒置，政府仍未有發展。咁又難怪Simon咁慨嘆，好好一幅地變咗要曬太陽，真係嘥晒。
Green Monday嘅創辦人楊大偉（David）日前都喺Fb上載咗張相，貼文話「找數」，仲嚇親班網友添！畀人追數？係呀，事關佢玩咗一個踢走消極情緒嘅遊戲，要上載照片嚟「找數」，而佢嗰張相好爆o架，超後生仲有對粗黑眉，唔講仲以為佢紋眉，而佢就自稱似孖寶兄弟。大家睇吓佢似唔似？
PC早前喺Facebook （Fb） 貼文兼上載咗兩張相，一張係舊照，另一張係新照，1979 Vs 2020，相差四十一年，當年嘅青葱歲月到依家變得成熟穩重，無論面貌同身形都有所改變，唯獨笑容不變，大家估吓邊個打邊個？
開估喇！中間嗰個就係PC。其實呢幅相係今年一月影嘅，地點係澳洲悉尼，難得老友重逢相聚，少不免會回憶美好嘅那些年，所以見到佢哋嘅笑容就知道有幾咁開心，難怪PC喺Fb貼文話「覺得好正」，而唔少網友都留言話呢段情誼好難得。
楊大偉貼相似孖寶兄弟
講到想當年，品牌發展局主席黃家和（Simon）都喺Fb上載咗張十一年前嘅舊相。Simon話當日同兒時嘅同學合照，地點喺上水慈康農圃，係當時香港最大嘅私人有機農場，佢喺九八年收購咗呢個農場，打算發展有機農業，可惜新界東北發展，農地四年前畀地主收番，直至依家仍然荒置，政府仍未有發展。咁又難怪Simon咁慨嘆，好好一幅地變咗要曬太陽，真係嘥晒。
Green Monday嘅創辦人楊大偉（David）日前都喺Fb上載咗張相，貼文話「找數」，仲嚇親班網友添！畀人追數？係呀，事關佢玩咗一個踢走消極情緒嘅遊戲，要上載照片嚟「找數」，而佢嗰張相好爆o架，超後生仲有對粗黑眉，唔講仲以為佢紋眉，而佢就自稱似孖寶兄弟。大家睇吓佢似唔似？
卓妮