政情：公民講場：新冠肺炎慘過沙士 財爺摑羅致光一巴

勞工及福利局局長羅致光日前話失業率會升高，但唔會達到○三年沙士時逾百分之八，因為依家經濟基礎比較好。相隔幾日，財爺陳茂波（波叔）預計新冠肺炎嘅疫情進一步打擊經濟，實質影響程度甚或高過沙士時期。咁講，即係經濟會更差，失業率或更高，究竟係波叔喺發表新一份預算案前，想唔派糖去嚇人？抑或羅致光亂派定心丸畀波叔摑一巴？無論邊個原因先係真，都反映班高官淨係識出口術。