黃榮傑任性的防守中場

愉園今季重返本地頂級聯賽，重用年輕球員，惟個別位置卻由富港超經驗的「老將」來「孭飛」。曾先後披起過和富大埔及港會球衣的黃榮傑，便是其中一位「孭飛老將」。「都未3字頭就老將？哈！哈！愉園咁多後生仔，唔係Ｕ22已經算係老將啦！」

其實「榮傑」不僅屬「孭飛老將」，還是一位「任性老將」！「坦白講，都幾任性嘅……」此話何解？自幼便熱愛足球的他，因在中學學界賽事表現出色，經選拔後入選「2009年亞洲學界足球錦標賽」香港代表隊，當時不少隊友目前都是港超球員，包括標準流浪的林學曦、東方龍獅的曾文輝，以及冠忠南區夏志明等。「當時啲隊友好多都好勁，比賽後有少少將來做職業球員嘅念頭。」「榮傑」回憶道。

任教師期間，深得同學們愛戴。

獲一班教師舊同事入場打氣。

放棄教鞭嘗職業滋味

念頭還念頭，2012年獲教育學院取錄的「榮傑」，最終都選擇升讀大學。但2014年，亦即「港超聯」成立的首個球季，和富大埔重返頂級聯賽，因班費問題造就了多名新人得以初嘗職業足球的滋味，「榮傑」亦藉此機會，還了中學時期的心願。不過因要兼顧學業未能跟足操練，上陣機會不多的「榮傑」，第一年職業球員生涯，隨着「綠戰士」當季後降班而告終。

學照返，波照踢，「榮傑」升上Year 4後，同時重投油尖旺。一季後短暫披起過港會球衣在港超角逐，惟境況跟兩季比較沒太大分別。直至上季愉園升班港甲，已任職老師兩年多的「榮傑」，與「鮑Sir」（前和富大埔主帥鮑家耀）再續前緣。「『鮑Sir』話愉園想升班，問我有冇興趣幫手，我諗都唔諗就應承！」

單身係最大本錢

任性時刻來臨！今季前「榮傑」收到愉園開出的一紙職業合約。「一邊係我讀咗4年書再做咗3年嘅教師工作，一邊係我中學已經憧憬嘅職業球員合約。好開心家人好支持我，話書幾時都可以教，但『機會』未必成日有。最緊要我有『任性』嘅最大本錢─單身，結果決定辭工去簽愉園喇！」去年12月21日愉園作客元朗大球場的港超聯，就有近10位「榮傑」之前任教港澳信義會黃陳淑英紀念學校時的同事，自備打氣牌入場支持「榮傑」。「好感動，好多謝佢哋。」

來到季中，「榮傑」怎樣回看當初「任性」的決定呢？「OK啦！我本身好鍾意踢波，愉園隊中氣氛又好，最緊要係球隊畀到啲嘢球迷睇！」「榮傑」表示會給自己3年時間，至於屆時再為人師表，還是轉向教練方面發展，則之後再打算。

文：戴陶蔚（相片由受訪者提供）