政情：沈運龍：再封關珠寶業唔使做王國興
為防止新冠肺炎喺社區爆發，政府早前停止多四個出入境口岸嘅運作。香港珠寶製造業廠商會榮譽主席沈運龍（Aaron）就呻話，香港難以自給自足，再封關珠寶業界都唔使做生意啦！
損失買家 出貨繁複
政府講明封人流唔封貨流，點解Aaron話冇得做生意呢？原來，珠寶業買賣時要搵人帶貨，而買家落訂前亦會派專員事先去驗貨o架，依家從內地赴港仲要隔離十四日，邊有人願意嚟？佢又話好多同行嘅廠房都喺內地，但因部分關口封閉，需要換口岸運送貨物，搞到好多手續要重新辦理，浪費好多時間同金錢，有客人仲因為等唔切而要退貨，搞到佢都好頭痕。
Aaron話雖然珠寶保值，但始終公司都要出糧畀員工，過去嘅示威遊行已嚴重影響珠寶業嘅營業額，依家仲有疫情嘅陰霾，如果政府真係全面封關，珠寶行業真係唔使做啦！