政情：旅業寒冬 陳智遠變身電車男

笑言或考埋的士牌輪船牌

其實阿Paul喺Fb都提到世界難撈o架！只不過佢唔係匿喺房對住部電腦嘅電車男，而係真係喺電車廠入面學揸電車，仲講笑話遲啲旅遊生意再差啲嘅話，就會去考埋的士牌、輪船牌，甚至走去揸埋uber喎。

睇嚟依家旅遊界真係面臨緊寒冬，連主攻高端旅客嘅深度遊都頂唔住？有網友就留言出謀獻策，不過係畀建議電車公司，提議若果開放畀人入去車廠入面試揸電車，仲話相信會有大把人排隊畀錢添！

阿Paul亦都講到舊款電車原來係好難揸，睇番喺片段入面佢就唔係好識得慢慢「煞掣」，太大力「落break」令到架車急停，仲要師傅教番佢一啲揸電車嘅竅妙添！有網友就同呢位新進「電車男」講笑，話若果Paul喺邊區出更，佢就唔會去嗰一區喎。睇嚟阿Paul要落多啲工夫搣甩呢個「馬路炸彈」嘅標籤，先可以吸引到旅客上佢架車。