政情：公民講場：屯門公園再嘈過 劉江華當睇唔到

屯門公園嘅噪音問題，長期滋擾居民，康文署又遲遲唔做驅趕行動，市民忍無可忍，終於喺早前就發生光復屯門公園嘅行動，喺呢次事件後，嗰班歌舞團暫時絕迹，點知平靜咗一段小時間，佢哋又再故態復萌，但似乎都冇佢哋辦法咁。老實講，民政事務局話修例加強檢控，但遲遲都未落實，咁係咪又要叫鄰近居民又要忍？局長劉江華係咪又當睇唔到呀？唔通想嚟多次光復行動？咁只會令民怨更加沸騰。