政情：八網難逃：龐愛蘭去檳城禪修摘木瓜

本身係藥劑師嘅龐愛蘭，喺月初去咗檳城，見佢喺Facebook上載咗好多相，唔單止大歎當地嘅美食，仲攞住個超大嘅大樹菠蘿影相添！其實佢今次去檳城唔係單純旅遊咁簡單，事關佢去咗法寶山禪修。原來佢同朋友喺年前已約好去o架嘞，只係拖到依家先成行，見佢喺嗰度摘木瓜都不知幾開心。唔知佢今次禪修有乜得着呢？剩係知好快佢又返回俗世，飛咗去阿曼開世界衞生組織會議。真係忙碌呀！