中國冰室歷半世紀 除夕夜結業

然而，在沒人接手經營下，冰室終抵不過歷史洪流，將會在除夕夜（31日）關門。記者昨到訪中國冰室，門外源源不絕的顧客排隊，員工忙到「停唔到手」，食客自行拿取餐具，熱鬧非常。當中不乏慕名而來的客人手執相機打卡留念，慨嘆香港一道傳統風景又將消失。

多套港產電影取景 食客不捨

至今已光顧超過三十五年的「熟客仔」黃先生說：「呢度嘢食出得快，飲品又多選擇，入面的裝修係由以前到依家，唔係出面的冰室模仿得到。我自己最鍾意凍奶茶、紅豆冰，同呢度伙記都好熟，繼旺角的豪華戲院消失後，連呢度都要結業好唔捨得！」

另一熟客潘先生稱以往因工作關係，一星期會來光顧五次，對冰室結業感惋惜：「呢度雖然無咩鎮店之寶，但係員工好有人情味同有熱誠，外賣就算遠少少都會送。依家無咗間咁傳統店，覺得都幾可惜。」來自日本的食客Shiori表示自己一向喜歡傳統餐廳，並非常喜歡冰室的裝飾，說自己尤其喜歡香港的凍奶茶及蛋撻，對於傳統冰室結業感到惋惜。