政情：今日你上鏡：被指偷睇阿婆沖涼 周浩鼎躺着也中槍
立法會會議呢兩日突然變成「批鬥大會」，建制派同民主派互相指摘，仲有唔少議員都要面對譴責動議，議員周浩鼎仲慘到「躺着也中槍」，無啦啦畀人燒埋佢嗰疊喎。究竟發生乜嘢事呢？
泛民指建制無理據都要動議譴責
本身喺會議上，民主派議員鄭松泰就講緊譴責動議唔應該亂用，問建制派係唔係雞毛蒜皮、毫無理據嘅嘢都要動議譴責。突然，鄭松泰將矛頭指向阿鼎，問「係唔係隨便話周浩鼎偷睇阿婆沖涼都可以提譴責動議呀？」「所以你有冇偷睇人沖涼呀周浩鼎？」阿鼎聽到嘅時候一臉嫌棄，真係有口難言，躺着也中槍呀！