話說康樂及文化事務署早前被踢爆未有按《公眾衞生及市政條例》把其轄下遊樂場地嘅圖則存放喺土地註冊處，令職員同衞生署控煙酒辦公室喺場地嘅執法基礎成疑，申訴專員公署批評康文署同地政總署欠缺妥善溝通及協作，令部分公眾遊樂場地喺啟用時尚未完成存放圖則嘅程序，出現執法「真空期」。話時話，外界批評政府官僚，各個部門都各自為政，呢次公署鬧咗一鑊，唔該康文署署長劉明光同地政總署署長陳松青吸取教訓，唔好乜嘢都懶懶閒呀！
